English Version

Hivi karibuni suala la walemavu wa ngozi (albino) limechukua sura mpya kufuatia mauaji ya kikatili wanayofanyiwa. Ulemavu wa ngozi ni tatizo linalorithiwa kutokana na ukosefu wa pigment katika ...Click here to read more

English Version

Hivi karibuni suala la walemavu wa ngozi (albino) limechukua sura mpya kufuatia mauaji ya kikatili wanayofanyiwa. Ulemavu wa ngozi ni tatizo linalorithiwa kutokana na ukosefu wa pigment katika nywele, ngozi na macho. Ni tatizo linalowapata watu bila kujali kabila wala jinsia. Huko Marekani na Ulaya inakadiriwa kwamba mtu mmoja kati ya 20,000 huwa na dalili za ulemavu wa ngozi, wakati hapa kwetu Tanzania takwimu zinaonyesha kuwa mmoja kati ya watu 4,000 ana dalili za ulemavu huo. Kutokana na takwimu za Shirika la Afya Duniani (WHO) Tanzania ina walemavu wa ngozi takriban 170,000.

Tangu mwaka 2007, Tanzania imekuwa ikishuhudia mauaji ya kikatili ya albino ambayo yanahusishwa na ukataji wa viungo mbalimbali vya miili yao. Wengi wao wamepoteza maisha huku wengi wameachwa wakiwa hawana baadhi ya viungo vyao vya mwili baada ya kukatwa na kunyofolewa kikatili. Inasadikika kwamba mpaka sasa karibu albino 43 wameuwawa na viungo vyao kunyofolewa.

Kati ya sababu zinazotajwa kupelekea unyama huu ni imani za kishirikina kuwa baadhi ya viungo vya mwili wa albino vina uwezo wa kuleta utajiri. Serikali ya Tanzania imefanya jitihada nyingi kukabiliana na tatizo hili ikiwa ni pamoja na kusitisha shughuli za waganga wa jadi ambao inasemekana ndio wanaochochea ukatili huu. Pia serikali imeagiza kamati za ulinzi za mikoa kuwalinda albino na pia hivi karibuni imeendesha upigaji wa kura za maoni kwa siri nchi nzima ili kuwabaini wahusika.

Zaidi ya hayo, vyama vya kiraia, vyombo vya habari na hata taasisi za nje pia zimechangia sana katika kampeni hii ya kutokomeza mauaji haya ya kinyama.

Katika mjadala huu, tunakusudia kukusanya maoni ya watu kuhusu nini hasa kifanyike ili kumaliza mauaji haya. Hususan, tungependa kupata maoni yenu juu ya masuala yafuatayo;

• Nini sababu (za kiuchumi, kijamii, kisiasa na hata kitamaduni) zinazopelekea kuwepo kwa mauaji haya?
  
  
  
  
• Unasemaje juu ya jitihada hizi zinazofanyika kuzuia unyama huu (nini zaidi kifanyike?)
  
  
  
  
• Nini majukumu ya Watanzania katika kumaliza tatizo hili?
  
  
  
  
• Je, majukumu ya mashirika ya kimataifa katika kumaliza tatizo hili ni yapi?

Aksanteni sana na napenda kuwakaribisha katika mada nyingine zinazoendelea na hata mpya itakayowekwa katika nafasi hii.

rm besha

Nashukuru kwa mchango wako. Kwanza kabisa napenda kukutoa shaka kuwa hapa unaruhusiwa kutumia lugha yoyote kati ya hizi mbili hufungwi na upande wowote.

Pili nakushukuru sana kwa observation uliyoitoa kwenye mchango wa Ms. Alenga. Ni kweli factors alizozitoa Ms. Alenga (culture, taboos e.t.c) zinasaidia sana katika kulielewa tatizo hili kiundani hasa kwenye mtizamo wa jamii juu ya hawa wenzetu lakini nafikiri hizi zinafaa sana katika kufanikisha (facilitate) mauaji haya. Kwamba kwa kuwa ni rahisi kumrubuni mtu akufanya kile ambacho yeye anaamini kabisa kuwa hakina madhara kwa jamii yake (mtu anayetoka katika jamii ambayo inaamini kuwa albino ni mkosi hawezi kuona ugumu katika kumwondoa albino huyo kama atashawishiwa) so nafikiri ndio maana mauaji haya yanatokea kwa wingi kule ambako jamii yake inaamini kuwa uwepo wake ni mkosi mf. Shinyanga, Tabora na Kigoma (kama sikosei)


Tatu unasisitiza kuwa adhabu zitolewe kwa wale wanaohusika. Ni kweli kabisa nami ninaunga mkono kabisa ila najiuliza ni adhabu gani ambay itatoa fundisho> Kwa sababu adhabu iliyotengenezwa kwa wabakaji ya miaka 30 jela inatekelezwa ila bado watu wanaendelea kubaka. Nafikiri hapa itabidi vyombo husika watusaidie

Na mwisho tunaonaje kama uadilifu na usafi ukaanzia kwenye vyombo vinavyohusika na usalama wa raia kwa sababu kama polisi ambaye anatakiwa alinde maisha yangu anadiriki kushiriki katika maovu sipati picha raia watakuwaje? (Mf. Kesi ya kina Zombe!)

Nashukuru sana kwa kuendelea kutoa michango yenu hapa na ninawaomba radhi kwa kutokuwepo kwa muda.

Ms. Alenga thank you very much for your contribution in this matter. Kusema ukweli mchango wako umetusaidia tulio wengi katika kujaribu kutafuta utatuzi wa tatizo hili. Nakubaliana nawe kabisa kuwa mila mbovu ambazo tunaweza kuzioanisha na chanzo cha tatizo hili. However swali la kujiuliza ni hivi kwa nini bado kuna watu wanaendelea kuzikumbatia mila hizi hasa ukizigatia tuko katika karne ya ishirini na moja? Kama ni vitu vinavyojitokeza baada ya kutoweka je nini kinachochea ?

Pili ni kweli kuwa watu tunajenga tabia ambazo tumelelewa nazo (socialization process). Tatizo linabadili mwelekeo pale tunapogundua kuwa tabia flani haiko kwa kabila au society flani tu. Mfano kama mie wamanyema tunaamini kuwa albino ni mkosi iweje wachaga nao waamini the same kama haikuwa kwenye mila zao? (ni mfano tu nimetoa ndugu zangu). Nimesema hivyo kwa kukumbuka ile kesi inayoendelea kule Shinyanga ambapo mshtakiwa alisema kuwa mteja alikuwa ni mwenye asili ya kiasia sasa hii ina maana kuwa mila hizi ziko accross culture?

Yes Irene people need to be educated nakubali but what should be the content? Mode ipi itumike katika kuelimisha huku na je nani hasa ahusike na utoaji wa elimu hiyo- je ni serikali, mashirika ya dini, vyombo vya haki za binadamu au wote?

Je ni kweli kwamba Albino wamekuwa wakipotea katika jamii yetu kwa muda mrefu?

Je ni kweli kwamba kupotea kwa albino enzi hizo ilikuwa  ni ahueni ya familia katika jamii kwani albino walikuwa hawakubaliki sana katika jamii zetu kama binadamu wa kawaida?

Je ni kweli kwamba jamii ya wamasai hawana walemavu kwani alipokuwa akizaliwa mtu asiyejiweza wanamwacha ndani ya nyumba na kuhama hilo eneo? Maana ilikuwa ni mzigo kuhama na watu wa aina hiyo....

Kama majibu ya maswali haya ni NDIYO..then hili suala la mauaji ya albino linahitaji mtizamo mpya zaidi ya sababu za kiuchumi na nguvu za dola ambazo ndo zimepewa kipaumbele!!

Hilsen

Musa

Kwa uelewa wangu wa sheria za uchumi na maendeleo. Sheria hutungwa na watu kufuatana na jamii ilivyo. Hata ufuatiliaji wake unafuatana na jamii ilivyo. Kuna mwandishi mmoja anaitwa Jean-Jacques Rousseau ansema-""War is consitituted by a relationship between things and not between persons, and as the state of war cannot arise out of simple personal relationship, but out of real relatios private war or war of man with man can exist neither in the state of nature where there is no constant property, nor in the social state where everythig is under the state of law" .

Hivyo basi, matatizo ya kuua Abino ni vita ya kutafuta mali -"relationship between things". Watu wa Tanzania wamekuwa na umoja na amani. Wameishi na Albino miaka na miaka. Tujiulize kwa nini ili limezuka wakati huu wa Economic crisis iliyoanza makali yake tangu 2007. Je Watanzania hawa siyo wenzetu wenye elimu duni juu ya makali haya? Je siyo wenzetu ambao wanaenda kutafuta mali kwa njia ya Waganga wa kienyeji? Je polisi pekee na upelelezi wa dola unatosha kumaliza tatizo hili?

Mimi nafikiri kunahitajika kufanya kongamano kuangalia ni jinsi gani tunaweza kuelimisha jamii kuondokana na kutegemea sana ramri, kamali , utabiri usio na tafiti za kisayansi na mengineyo. Tunachokiona leo ni matatizo ya muda mrefu ya kuwaita mama wazee wenye macho mekundu wachawi, kuwakata mikono watoto wadogo, kutambika watoto ili kutafuta mali .n.k.

Kwa vile waganga wa kienyeji bado wanaendelea kufanya-innovations zao kwa kuwadanganya watu wanaotafuta mali kwa nguvu.,tatizo hili bado ni kubwa. Albino wakiisha waganaga wa kienyeji watatafuta njia nyingine ya kupata mali. Zamu hii watatutafuta sisi tunaochangia kwenye TAKNET!!!.

Mimi naona serikali iwatafute waganaga wa kienyeji wapewe hospitali zinazoeleweka. Wajirejiste na watoe vibali na prescriptions kwa wagonjwa wao. Waeleweke wanachofanya. Ikibidi wa-specialize. Wafanye kazi na madaktari wetu wanaotumia tafiti za kisayansi kama wanavyo fanya nchini China. Wananchi waeleweshwe kuwa kinachotibu kwa waganga wa kienyeji ni dawa siyo ramri.

Tukiweza hapo tunaweza kushinda vita hivi. Vinginevyo, baada ya Albino , vitatafutwa vichwa vya wasomi-maprofessor , viongozi wa zamani, ngozi ya wabunge, n.k. Kinachogomba hapa ni umaskini wa ulewewa. Polisi hataweza kumaliza hili tatizo kwani yeye atalala kila mahali? Elimu duni ndiyo tatizo kubwa. Sheria bila kuwa ya ki-tija (efficiency of law compliance) hatuwezi kushinda. Watu watatafuta njia nyingine ili wapate vichwa vya mtu au Albino.

Tutafute suluhisho endelelevu. Mfano mzuri ni tatizo la vibaka. Mbona wananchi wenyewe wameweza kuchukua sheria mkononi na kupambana nao, hata kama siyo vizuri. Je sheria mkononi zitamalizwa na polisi. Kama sheria hazitungwi kwa kuangalia uwezekano wa kuzi-enforce, tunajidanganya. Tuelimishe jamii na kuweka mikakati ya kuifanya jamii ielewe kuwa mali hutafutwa kwa kutumia akili na juhudi siyo kuwachinja Albino wala kukata vichwa vya nyani wala kutoa kafara..

Hao Waganga wa jadi waandikwe na tujue wako wapi na wanafanya nini. Jamii eleimishwe kuwa mali hutafutwa kwa kufanya kazi. Tuna Redio, serikali inaweza kupeleka vipeperushi kwenye mashina n,k. Hili ni tatizo kubwa la uelewa , haliwezi kumalizwa na polisi peke yake. Wananchi gani washirikiana na polisi, iwapo ndio wanashinda kwa waganga wa kienyeji wakitafuta mali?

Samahani kwa kuwaandikia barua ndefu. Hicho ndicho kifanyike.

Aurelia Kamuzora

PhD-Fellow (Law and Economics)

Groningen University

Netherlands

Inaonekana kuwa mfumo wa ‘polisi jamii’ (community policing) umeanza kuleta mahusiano mazuri zaidi kati ya jamii na polisi wenyewe. Nadhani polisi wangepata ushirikiano zaidi na jamii kuhusu suala la mauaji wa Albino kama wangeendeleza mfumo huo.

Asante

Julie

dear members,

once again it is nice to be here...the last contribution was in english so my mind is now in a dilema,calculating whether i should contribute in english or swahili,but since my question and/or contribution is/are meant for miss alenga,it should be fair enough to use english....

i think what miss alenga has contributed,has been of utmost impact in a sense that maybe the killings are decided upon under the influence of culture-the passed down values, taboos, practices, etc as she puts it.but then again,do these millionaires who pay for and orchestrate the killings belong in the sphere encircling those on which the values have been passed?is it our leaders?ourselves;tanzanians?is it the albinos themselves?are we not past this line of thinking and living?or does it still have so strong an effect on some of the filthy rich or amongst ourselves?

many questions arise here,and yes miss alenga,people need to educated here,from the grass roots that is,but as for those who are so deep into these beleifs that it's got them killing fellow innocent tanzanians, and those who are supposed to be watchdogs, action needs to be taken and justice served so that we all keep in mind that such despicable cruelty is not tolerated and is far from culture,values,beleifs or anything else of that sort! this will be a great first step towards preventing further killings…

akhsanteni.

All deviant behavior can be traced from our socialization processes, what is  acceptable or not in a society is made so through years of passing on of values, cultures, taboos and practices on social relations. True, African culture has been in time considered as having grotesque practices and this is (according to my opinion) due to what we deem as abnormal and ways of creating normality. Twins were considered a taboo in the old days in many communities, FGM was for some communities considered as a rite of passage for which a female not having gone through it would be exorcised from the community, HIV/ AIDS was considered as a curse and one would be exiled from society, all these are forms of victimization due to lack of understanding of strange occurrences in society… what then should we do to stop this? Nip it at the bud…Education is the key to success!  Interject through the leaders and elders in society or the practitioners of these killings and even evoke harsh punishment to anyone who is found guilty as an example to evoke fear and as a result deter future practices. Educate at all levels to ensure that everyone is aware and make it a civic responsibility of individuals to hold precious what it is that they value so dearly .. LIFE!

So I throw the ball right back to your court (especially the English speaking people on this forum) what is your view on this issue? Has enough been done? Are there any recommendations on mitigating options to solve the problem?

habarini za leo ndugu zangu,

kama ilivyo ada,nimefurahishwa sana na mawazo yanayotolewa kwani yanagusa kila kona ya tatizo.kwa kusoma juu juu tu,nimeweza kuona maneno yaliyotawala sana ni hali duni,siasa, ujinga na uzembe au kutojali. hizi zaweza kuwa ni sababu kubwa sana zinazosababisha mauaji haya..

kwa kuanza tu na hali duni,watanzania wengi waishio vijijini wanaishi maisha ambayo ni ya taabu na shida mno kama ilivyosemwa na wachangiaji wengi hapo awali,wengi ni watu ambao noti ya elfu kumi kwao ni kama milioni moja kwetu sisi wenye kipato cha kawaida au cha chini ila cha halali...ninachotaka kusema ni kwamba mtu mwenye maisha kama haya ni rahisi sana kupokea milioni ili auwe jirani,mtoto mke, mume na kadhalika,swala lingine hapa ni kwamba hawa ndugu zetu wenye ulemavu wa ngozi wanaishi maisha ya tabu sana,macho hayaoni vyema,ngozi inaharibika vibaya juani na wengi ni masikini,kwa namna moja ama nyingine inawezekana kuna hisia kwamba hawa watu hata wakiuwawa/tukiwaua ili watajirishe watu,tunasaidia kuwapumzisha maana hapa duniani maisha wanayoishi ni ya shida..hii inaashiria kwamba wametupwa na hawajaliwi….

-swala ni kwamba watanzania tumepoteza utu, huruma na hatujali wenzetu, na wengi wetu ni masikini ambao twaweza kufanya chochote ili tupate fedha za kujikimu au utajiri wa haraka ila hapahapa ninajipinga mwenyewe maana ninaamini kwamba,wapo masikini wa hali ya chini kabisa ambao hawawezi kuua hata mtu wasiyemfahamu ili watajirike..swala la kuua au kukata watu mikono ni roho mbaya na chafu za watu wachache...ila umasikini na wenyewe unachangia kwa sababu tofauti kati ya masikini na matajiri hapa tanzania(disparity) ni kubwa mno,kama wengi wetu vijijini na mijini tungeishi maisha ambayo hayatofautiani kwa kiasi kisichoweza kuaminika,haya mauaji yasingekuwepo... angalia namna ambavyo baadhi ya viongozi wetu wanaishi kifahari,na kwa upumbavu wetu tunawatukuza na kuwasifu,heshima wanapewa wenye pesa bila kujali zimetoka wapi…nani asiyependa kuheshimika?hakuna asiyetamani maisha haya…hapa ndipo watu wanapoamua kutumia nguvu za kishirikina ili watajirike..

kwenye swala zima la siasa,kama ilivyokwishasemwa,kumshambulia mh. pinda kumedhihirisha wazi ni namna gani viongozi wetu wanajali kutengeneza majina kuliko kutatua matatizo ya wananchi wao...hapa ninawaambia wote look around you! ni watu wangapi ofisini kwako unaambiwa wana”jikoki” ili wasipoteze nafasi zao,unaambiwa usikorofishane na Fulani, atakukaanga, ni viongozi wangapi tunasikia wanaingia madarakani kwa ushirikina? wa serikali mpaka wa dini...ninaambiwa kuna hirizi zinasindikwa kwenye altare makanisani ili bwana kiongozi wa dini asiondoke kanisani hapo, asishushwe cheo au asilogwe...vicky mtetema wa bbc alisema wazi kwamba kati ya watu waliyokwenda kuona waganga wanaofanya vitendo hivi ni maafisa na mapolisi wa vyombo mbalimbali vya dola,hawa ndio watu tunaowategemea kulinda usalama na kufanya uchunguzi wa matukio kama ya mauaji ya albino.je,kama wengi  wao ndio mambo wanayoyakumbatia na kuamini ndio yanayowalinda,watayachunguza au kujali?kama hili lipo pia ndani ya 'usalama wa taifa', kuna chochote kitafanywa?

nilishangaa na kuumia sana nilipoona kwenye taarifa ya habari wale wawakilishi wa jumuiya ya kimataifa (international community) ambao walikuja nchini kuhakikisha haki inatendeka..na walisema wazi,tumechoka kuambiwa ‘tunafanya uchunguzi, hakuna linalotendeka ’ na hatuondoki mpaka tuone watu wanachukuliwa hatua..watanzania tuko wapi?kweli wageni wana uchungu kuliko sisi?tunapoteza muda mwingi kwenye vijiwe tukilalamika serikali haifanyi kitu, tunaongea kwenye tovuti kama hii ya taknet lakini hakuna la zaidi tunalofanya...hapa nasema wazi kwamba sisi tumewaangusha wenzetu walemavu kwa kukaa na kuongea kimbeya huku mauaji yakiendelea..siku zote nguvu ziko mikononi mwa wananchi wenyewe......

mahakamani nisingependa kuona wauaji tu wakipandishwa kizimbani,hatujui walikuwa na hali gani wakati wakiua,kama swala zima linahusiana na nguvu za giza, si ajabu walikuwa 'possessed'-yaani pasipo ufahamu wao walifanya mauaji hayo;ni maneno yangu tu,ila ningependa kuona wale waliyowatuma waue,wanaotoa haya mamilioni, na watumiaji wa hivi viungo ndio wafikishwe mahakamani na wapewe adhabu wanayostahili...tatizo la mauaji ni pana mno,ni mengi sana inabidi yaangaliwe…kuanzia utendaji, sheria, misimamo na mitizamo ya watanzania, utu na kadhalika!

akhsanteni.

Kuna mtandao unaitwa FREEMASON.Kwa taarifa ambazo siwezi kuthibitisha, mtandao huu ambao kwa namna flani ni wa kiimani,wamekuwa wakifanya matambiko na kuendesha mikutano/ibada ambazo katika kutoa kafara hu-usisha kutoa uai wa wanadamu.Narudia kusema,sina taarifa kamili/rasmi lakini nashawishika kukubali.

Hoja yangu sasa ni hii inayofuata;kwamba katika ibada hizi za kishetani za mtandao huu,wanachama ama waumini,pamoja na wengine wengi,mara nyingi ni wafanyabiashara wakubwa,viongozi wa ngazi za juu serikalini,eti hata baadhi ya viongozi wa juu katika baadhi ya makanisa,masinagogi,'temples' nk!Ikiwa hivi ndivyo,mzizi wa ushetani haung'olewi kilelemama.

Ni kweli juu ya usemi wa lugha ya Kiswahili,KESI YA NYANI KAPELEKEWA TUMBILI!Pengine ni vema kujua kwamba adui yako ni unaemwona kuwa rafiki yako.Ndugu zetu wenye ulemavu wa ngozi watambue kuwa hakuna njia moja na pengine si rahisi kudhibiti uasi juu ya ngozi zao.Tutasaidiana ndio, lakini hatima ya usalama wao iko kwa Mungu na wao wenyewe.Mzizi si rahisi kuupata na kuung'oa.

Watanzania tujue kuwa unyama/ushetani huu unaanza mbali sana.Ni vema tujue ukubwa wa tatizo na tusiadae nafsi kana kwamba hili ni jambo la kudhibitiwa kilelemama.

Awali ya yote,napenda kuwashukuru wachangiaji wote waliotangulia.hii inaonesha jinsi gani watu wapo makini na masuala yanayowazunguka.

mchango wangu juu ya tatizo la walemavu  wa ngozi ni kwamba.kwanza serikali pamoja na wananchi wote tunatakiwa tujue mtandao mzima unaojihususha na biashara hiyo haramu pengine kuliko hata zile zilizo zoeleka kuitwa haramu.

kinachoonekana hapa ni kwamba serikali inashughulika zaidi na wale wanaokamatwa kwa kuua wenzetu hao,bila kuchunguza kwa umakini chanzo au wale wanaowatuma.

ikumbukwe kuwa mtandao huu unahusisha matajiri au wale wanao hitaji viungo,waganga wa kienyeji,majirani wa hao wenzetu ambao ndo wanachora mpango mzima na wauaji wenyewe.

tunatakiwa tukumbuke ule msemo wa kikulacho ki nguoni mwako.wakati mwingine hata watu wa karibu na albino wanawauza ndugu zao kwa tamaa ya pesa.

kama ilivyo kwa uhalifu mwingine.pesa kwa mfano ambapo majambazi wanapata taarifa kamili ya kiasi cha pesa ,muda wa kusafirisha,sehemu zitokazo na ziendako.habari zote hizi hutoka ndani ya wahusika wa financial institution inayohusika kwenda kwa majambazi.

Umetukumbusha saula la kura za maoni. Kama kweli serikali iliona hii kama njia ya dharura....ni lazima watoe matokeo ya kura hizo mapema ili kijenga imani ya wananchi kuwa walikuwa na dhamira. Sasa nani wa kufuatilia...tupige kelele...

Asasi zinazotetea haki za binadamu WLAC, TWLA, LHRC, TGNP,nk zimekaa kimya

kwa mara ya kwanza katika mtandao huu napenda kuchangia juu ya mada hii na pia kujtambulisha. kwa jina naitwa Kaijage Novatus na taaluma yangu ni Maendeleo ya Jamii.

swali kuu katika mjadala huu ni nini kifanyike? kwa maana ya kukomesha mauaji ya Albino. yawezekana mchango huu unakuja wakati si wenyewe sana maana kwa sasa matukio yamepungua. lakini masuala ya msingi katika hoja zangu ni mawili. La kwanza nini mtazamo wetu tunapoangalia tatizo na pili tatizo tunalichanganua vipi? ninaposema mtizamo naangalie taaluma mbalimbali zinavyoangalia matatizo/uharifu katika jamii.

Mfano mwanasheria naamini ataonakuwa suala hili lipo kwa sababu aidha sheria hazijafanyakazi vizuri au hakuna sheria za kudhibiti vitendo vya namna hii. Kwa waumini watasema huyu ni shetani ameingia na tunahitaji kutubu na kumrudia mungu.

kwa wale wanaopenda tamaduni zao watatwambia maana ya kila tukio kwenye jamii linamaanisha nini, watatueleza juu ya nini kifanyike wakizaliwa watoto mapacha,watatwambia mira zilikuwa zinafaya nini akizaliwa mtoto albino katika familia na mambo kadha wa kadha. wasosholojia wanaingalia jamii kama mwili wa binadamu. wanaona jamii kuwa ina viungo kama mwili wa binadamu ulivyo.

 jamii ina kichwa, kiwiliwili,miguu n.k hivyo kama kuna tatizo kwenye jamii basi kuna moja ya kiungo au viungo vimeshindwa kufanyakazi. viungo ambavyo wanasoshojia wanaviangalia ni pamoja na familia,utamaduni,elimu,dini,siasa na uchumi.viungo hivi pia huitwa taasisi za kijamii.Huo ni mtazamo mmojawapo wa kuangalia suala hili lakini kwa upande wa pili ni uchanganuzi wa tatizo lenyewe.

naamini mauaji si tatizo bali ni matokeo ya tatizo sasa tatizo ni nini?

wataalam wanasema kama hujafanya utafiti basi si vizuri sana kujenga hoja maana yatakuwa ni mawazo yako na hisia zako binafsi zinavyo kutuma. hivyo tunahitaji kufanya utafiti wa kutosha kabla hatujasema nini kifanyike.

Katika kutafiti ni vema tutafute mizizi ni hipi? shina ni lipi? na matawi ni yapi? mizizi,shina au matawi tutaweza kuviona katika zile taasisi za kijamii. mfano familia zetu zikoje? tamaduni zetu zimjengwa na nini na zinatufundisha nini? elimu yetu ikoje na inatujenga vipi? dini zetu zikoje? uchumi nao vipi?siasa ni ya namna gani? hii jamii ambayo

wasosholojia wanaifananisha na mwili wa binadamu viungo vyake viko sawasawa? naliangalia suala hili katika mapana ya kulijadili kwa kuwa nachelea kusema moja kwa moja kuwa tatizo ni hili kwa kuwa sijafanya utafiti wa kutosha na hapo mimi naona ndo pa kuanzia ili kutoa majibu ya kujitosheleza tunapokabiliana na matatizo ya kijamii katika maisha yetu.

watafiti wetu wanapochunguza jambo kama hili wanaliangali kwa mtazamo pana wa kuhusisha sekta zote? au linaangaliwa kipolisi zaidi? yawezekana jibu la kipolisi ni muhimu kwa kusitisha mauaji yasiendelee lakini tunahitaji mikakati zaidi ya kulishughulikia mizizi ya matatizo yetu.

 Ni vema tuheshimu zaidi tafiti, tuzitengee rasilimali za kutosha na maamuzi yetu mengi yazingatie tafiti zinatwambia nini.

Ndugu Japhet Maingu, napenda kukushukuru sana kwa uchambuzi uliotupatia.

Kusema kweli umeichambua vema na kuonyesha kwa mapana wapi tulikotoka na wapi tunakoelekea katika suala zima la matukio ya ajabu ikiwa ni pamoja na mauaji ya albino.

 Nadhani kama nimekuelewa vema maudhui makuubwa katika maelezo yako ni kuwa chanzo cha hayo yote imebase sana katika uchumi wa wananchi na jinsi uchumi wetu unavyoongozwa. Ni wazi kuwa katika maelezo ya Bwana Maingu serikali yetu inahusika moja kwa moja na ugawaji wa hii keki ya Taifa pamoja na mapungufu yote.

Ni kweli kuwa katika mikoa hiyo inayojihusisha sana na mauaji haya kuna malighafi nyingi sana na ni kweli usiopingika kuwa wanaosimamia ugawaji, umilikishwaji na uongozi wa malighafi hizo no serikali yetu nikiwa na maana kuwa hakuna mtu anayemiliki migodi au vyanzo vya mali hizo bila kupata kibali toka serikalini. sasa utoaji huo wa vibali ndio unaochochea among others, mauaji ya Albino.

Hali ya uchumi kwa wananchi wengi ni ya kukatisha tamaa pamoja na kuwa tumekuwa tukisikia kuwa uchumi wetu unakuwa kwa kasi hali za wananchi wetu bado haziridhishi na ndio sababu tunasema kuwna mismatch kati ya kukua kwa uchumi huu na hali ya maisha ya watu. Kwa serikali kutoa pesa za ziada kufanikisha zoezi la kura za siri ni kushughulikia dalili badala ya kujua mizizi ili kkuingoa.

 Kufanikisha kura za maoni zinaweza kutusaidia kuwanasa wale wanaohusika na biashara hii lakini kamwe si kumaliza tatizo. Binnadamu kama alivyo binadamu atajaribu kutafuta mbinu yoyote kuhakikisha anakipata kile anachokihitaji.

kama pesa, utajiri unapatikana kwa kuuza viungo vya albino hata tukiwakamata wanaoua albino tunawezajikuta tunawasaidia watafute mbinu nyingine ya kupata viungo hivyo- tusijeshangaa kushuhudia albino wengi wakipotea au wakiuwawa kwa sababu za wizi au nyinginezo ambazo zitahalalisha mauaji yao, Hii ni kwa sababu tutakuwa tunashughulika na matokeo au dalili wakati mzizi ambao ni umasikini na ukosefu wa haki kiuchumi unabakia kukomaa na kurutubisha zaidi mauaji.

Tunaua maua ya mimea wakati tunazidi kuwekea mbolea na maji katika mashina ya mmea huo. nadhani bwana Mahingu ametoa measures ambazo ni za muhimu sana. Maana yake anajaribu kutupa ushauri wa kukabiliana na mizizi ya tatizo na si dalili za tatizo (deal with the root cause and not symptoms)

Nimefurahishwa na michngo iliyotumwa na wanataknet, hii inaonyesha kuwa ni jinsi gani mauaji ya albino ni aibu na ni kero katika jamii yetu. Maoni yaliyotumwa kama alivyosema Dora yanaelezea chanzo au nia inayowasukuma watu kuwauwa Albino pamoja na wanajamii wengine wanao onekana tofauti kidogo.

 Ingawa vyanzo ni vingi lakini mimi naona lengo ni kupata pesa, iwe kupitia uongozi au biashara. Naona Dora anataka michango ya matokeo ya kura za siri za kutaja wahalifu. Mimi binafsi sijasikia kitu chochote kimefanyika. Labda bado uchunguzi wa taarifa zilizo kusanywaunaendelea.

 Measures taken by the government so far are encouraging but they are not sufficient. There are others which I considered as passive and active. Appointment of a legislative member I consider it as passive and additional costs for running the parliament (which sometime lack funds to hold special committee meetings).

Albino is as any other human being, by appointing someone just by skin color it rather creates peculiarity of Albinism. I support the measures taken at local government level and to be specific at village level. Security committee have been put in place.

According to the information I heard, the committee are given total counts of albino and their houses to protect. This measure is recommendable but to avoid corruption the salary and other allowances given to the parliamentarian should be given to security committees as honorarium for the on e who will catch culprits.

 This will motivate the committees to work even harder to protect the Albinos. This is just my opinion but am not trying to underestimate what has been done but trying to think different scenerios to revert the trend.

Kwa hiyo tumejikuta tumevutwa na hiyo milipuko na tunatumia muda mwingi kuishughulikia badala ya kuangalia mambo a msingi. Serikali iko tayari kutoa fedha za dharura (tsh 200 milioni!) kuwezesha zoezi la kupiga kura ya kubaini wauaji wa albino, wakuu wa wilaya wanawawaya na kujikuta wanatoa amri zisizotekelezeka, viongozi wa dini wanatumia nguvu kubwa ya kukemea vitendo hivyo katika mauhubiri na kusahau kuwa tumeua misingi mikuu ya malezi katika familia. Watu mmoja mmoja au kwa makundi wanatafuta njia mbadala za kujihami na wakati mwingine wwanajichukulia madaraka mikononi. Misururu ya maandamano na kongamano ya kulaani vitendo hivi yanachukau nafasi kubwa. (watu wote wanavaa t-shirts na kofia nyeupe). Vyombo vya habari vi natimiza wajibu wake na kutufanya uwe na kiu ya kusikia ni wapi albino kauwawa, wezi wameiba na kubaka, viongozi wamekemea nk.

Hebu turejee muktadha (context) wa matukio haya kwa kifupi.

Mauaji ya vikongwe yalishamiri sana mikoa ya Shinyanga na Mwanza. Hata mauaji ya albino yana nguvu kubwa katika hiyo mikoa pamoja na Kagera na Mara. Hii ndiyo mikoa yenye utajiri mkubwa wa raslimali ya asili (madini na vito-dhahabu na almasi, samaki-sangara na sato, misitu kwa mazao ya mbao, mbuga za wanyama-serengeti nk). Lakini pia tunafahamu kuwa hii ndiyo mikoa ambayo wananchi wake ni maskini wa kupindukia (esrf mnazo takwinu mtusaidie). Maswali ya kujiuliza ni je, utajiri huu uko mikononi mwa watu gani na ni wangapi? (esrf mnazo takwimu-waambie wananchi wajue). Mfumo wa sera za uwekezaji umewaondoa wananchi wenyeji (wachimbaji madini wadogo wadogo, wavuvi wasio na mtaji, wawindaji wa vimoro) katika uzalishaji. wachache wanaomiliki hizo njia kuu za uchumi (kinyume na azimio la arusha) wanatafuta kila njia ya kuhodhi uongozi, na uzalishaji. (hebu rejea historia ya viongozi wa kisiasa katika maeneo haya) Nidhahiri basi kuwa hapa PENGO kati ya walio nacho na wasio nacho limekuwa kubwa kupindukia na kwa hakika hiyo ndiyo milipuko yenyewe!

Ninahisi kuwa kundi hili ndogo la walionacho ndiyo wanaohusika kwa njia moja au nyingine kuwatia wananchi hofu ili wasitawalike kwa kuchochea na kufadhili ujambazi, utumiaji wa madawa ya kulevya na hata imani za kishirikina. Lakini pia inawezekana ni baadhi ya wananchi wachache waliochoka na waliokata tamaa mithili ya wale waarabu wanajilipua kwa mabomu mbele ya watu wasio na hatia! Kwa hiyo mauaji ya albino na vikongwe ni staili tu na huenda ikabadilika katika muda mfupi ujao.

Nini Kifanyike?

Kwanza, tuwe macho tunapokimbizana na milipuko. Walioianzisha milipuko hii wanajua tutanasa katika mtego wao na kutumbukia huko wakati wao wananeemeka, wakati mwingine kwa kutumia harakari hizo hizo za kutaka kuwaokoa alibino. tusitafute muarobain i wa kuuzuia maujai ya alibin pekee. Udhalimu, uoenevu, unyanyasaji umepanuka sana na wananchi wengi wanateeka bila hata kusema.

Pili, wasomi na watafiti wetu watusaidie kutuongoza kurejea matokeo ya utekelezaji wa sera zetu na mifumo ya utawala, hasa kipindi hiki tunapokarubia uchanguzi wa serikali za mitaa na uchaguzi mkuu mwakani. Viongozi wetu hasa ngazi ya jamii tunawapata vipi? wana sifa gani? wana umakini na uchunu wa watu kwa kiasi gani?. Asasi za kiraia zina nafasi kuba hapa.Sera setu za kuondoa umaskini zimetufikisha wapi, kule mwanza, shinyanga, mara, kagera, dar es salaam bagamoyo nk? MKUKUTA umewasaidaje haya makundu yanayouwawa? Mkukuta umeleta yaliyootarajiwa? na kama bado tufanye nini.

Ili kuwa na mjadala unaoleta tija esrf watuandalie mazingira ya kuchambua hii hali. Tupeni takwinu na lessons za tafi zenu.

Kwa niaba ya : Japhet Maingu Makongo,

Cha kushangaza anasema zaidi ya nusu ya matukio ya mauaji ya albino yanawahusisha ndugu na jamaa wa karibu wa marehemu. Sasa kitu cha kujiuliza ni kwamba hawa ndugu wanafanya hivyo ili kuondoa mkosi kama dada Dora anavyosema hapo juu, au ni kwa sababu ya umasikini – ilikupata kipato (kwa sababu nadhani hawa ndugu wanafanya kuwauzia wale ambao wanaamini viungo vya albino vina uwezo wa kuleta utajili) Mtakumbuka iliripotiwa Kijana mmoja alikamatwa Kigoma akiwa anampeleka mkewe kumuuza.

Kama hivi ndivyo, hivi kweli watanzania tumefikia hatua ya kuuza ndugu zetu kwa kisingizio cha umasikini? Inasikitisha kusikia walemavu wa ngozi wanakuwa na wasiwasi wanashindwa kuwaamini hata ndugu zao wa damu! Ash anasema pamoja na ndugu hata askari polisi wamekamatwa na kuhusishwa na matukio haya! Wamuamini nani? Ebutujiulize kwa hali hii hivi hawa ndugu zetu wanalala usingizi? Je wanatembea kwa amani?

Kunaimani pia kwamba huko nyuma watu waliamini kwamba walemavu wa ngozi walikuwa wakipotea. Walikuwa hawafi bali walikuwa wakitoweka tu! Hili linaweza kuhusishwa moja kwa moja na hoja za dada Dora kwamba huwenda walikuwa wakiuwawa ili kuondoa mkosi kwa usiri mkubwa! Pia japo sijaangalia takwimu vizuri, inaaminika kwamba idadi ya walemavu hawa hivi karibuni imeongezeka ukilinganisha na siku za nyuma! Hivi hili linaweza kumaanisha mauaji haya yamekuwepo siku nyingi bali yalikuwa yakifanyika kimya kimya?

Majuzi nilikuwa nasubiri ndege Uwanja wa ndege wa kimataifa wa Kenyata - Kenya, nikiwa katika duka mmoja kijana mmoja mdogo aliyekuwa akiuza katika duka hilo aliniuliza wewe ni mtanzania? Nikamjibu kifua mbele ndio! Akaniuliza vipi haibu ya mauaji ya ma-albino imekwisha? Jeuri ikaniishia, nikanyong’onyea kabisa!

Watanzania hivi ni vipi tunaweza epuka aibu na fedhea hii? Nini kifanyike kumaliza unyama huu?

Ndiyo ilivyo kwenye hili suala la albino. Tukikumbuka zamani enzi hizo tutakubali kuwa kulikuwa na wazazi, ndugu na jamaa wa albino ambao walikuwa wakiamini kuwa na mtoto albino katika familia ni mkosi, aibu au tatizo kubwa. Je hii dhana ikoje kwa sasa?. Kama hatuna uhakika kuwa dhana hii imekwisha au haipo tena je tunaamini kwa kiasi gani kuwa albino wote waliouawa baada ya yule wa kwanza kabisa kuuawa kwa imani za kishirikina, waliuawa kwa lengo la kuchukuliwa viungo vyao kupelekwa kwa waganga? Isijekuwa ni kama kisa hiki cha jirani.

Isije ikawa wazazi, ndugu na jamaa wa albino wanaoamini kwamba, kuwa na mtoto albino ni mkosi, walikuwa wanasuburi mazingira ambayo ni mwafaka kwao kutimiza haja yao ya kuondoa mkosi huo. Hali ya uchumi wa wengi inabana, kila mmoja anajaribu kujiuliza tatizo na kutafuta suluhu. Kuna wale wanao amini kwamba, ni sera mbovu za nchi, kuna waoamini ni kwa sababu hawakusoma, wengine ni kwa sababu hawana mtaji na wengine ni kwa sababu wana laana au wamelogwa na wengine ni kwa sababu wameoa wake wenye mikosi.

Lakini kuna wengi wanao amini kwamba, ni kutokana na kuwa na watoto au ndugu ambao wana kasoro fulani. Kumbuka ulemavu kama albino kwa wengi bado ni kitendawili. Kwa hiyo, ni rahisi kwa wazazi au ndugu kuamini kwamba, ugumu wa hali ya maisha unasababishwa na kuwepo kwa mtoto au ndugu ambaye ni albino familia. Wengine sio hali ngumu ya maisha balihuamini kwamba, albino kwenye familia husababisha mikosi ya mara kwa mara kama kuugua, ndugu kugombana, wanandoa kuachana na mengine ya aina hiyo. Hawa wote nao ni watuhumiwa wazuri, ambao huenda kwa sasa wanaishi chini ya kivuli cha kauli ya yule jirani kwamba mwenzake hatafika kesho. Albino wa kwanza alipouawa na kudaiwa kwamba, ni kwa sababu za kishirikina, ikawa ni sawa na wale wauzaji ambao walikuwa pembeni wakasikia kauli ile ya’ hutafika kesho.”

Huu pia ni mtazamo mwingine uliotolewa na mwenzetu (bahati mbaya ni marehemu kwasasa) kupitia Jitambue. Sijui tunaweza kuielezeaje hii nayo.

kura za maoni, hivi hii tunaionaje, utaratibu huu wa kupiga kura yza maoni kwa siri unaweza kweli kutusaidia katika kufichua wahalifu hawa? Ni somo gani tulilojifunza kutokana na zile kura za maoni za kuwatambua majambazi ambazo tulishawahi kuletewa? je tulifanikiwa kuwakamata hao majambazi na kupunguza ujambazi nchini? Nini ilikuwa ni vikwazo katika utekelezaji wa hii enzi hizo na ni jinsi gani tungeweza kuitumia huku kiusahihi zaidi? Je ni kweli tulifanikiwa kipindi kile?. Swali langu mimi ni je hii ilikuwa ni njia sahihi ya kutatua tatizo la mauaji ya Albino hapa kwetu.

Kama alivyochengia ndugu Kibamba hapa tunasemaje au tuamini vipi kuwa kweli taasis zetu za ulinzi na usalama zimeshindwa kazi?

Inawezakana kabisa kuwa nyuma ya imani za kishirikina tunazoambiwa kama chanzo cha haya mauaji kuna mengine mengi ambayo yamemezwa na dhana hiyo ambayo bila kuyafumbua sidhani kama tutafanikiwa katika vita hii. Tunawezajikuta tumewafungia waganga wote vibali na leseni au hata kuwatia ndani na bado tukawatunashuhudia matatizo zaidi.

Ukija kwenye suala la kupiga kura za kuwatambua wanajoihusisha kwenye mauaji ya albino, ule mkakati wa kuhamasisha wananchi washiriki nao ulichukua mrengo wa kisiasa kwa maana kuwa kuna tarifa kutoka baadhi ya sehemu kuwa vyama vya siasa vilifanya kampeni (za chinichini) kuzuia wafuasi wao wasishiriki.

Lakini hata serikali iliyoamua kutumia kura ya maoni kama njia muafaka, haikuwa siasa hii? Kwa sababu naamini kwua hii kura haiwezi kusaidia lolote katika vita dhidi ya mauaji ya albino. waplelezi kutoka usalama wa taifa wangeweza kuifanya kazi hii vema kuliko kura ya maoni. Interpol wametumia resources kidogo tu lakini wameshapata orodha ya washukiwa ambayo naamini itakuwa comprehensive kuliko matokeo ya kura ya maoni.

Kuhusu watu kudanganyika imekuwa rahisi kama ulivyosema moderator kutokana na desperation yao. Njia halali za kutafuta kipato ni kama zimezibwa (maana ni vigumu kupata mali kupitia hizo), watu wakiwaangalia mafisadi walivyonufaika narasilimali za nchi, lazima na wao watatafuta njia za mkato za kupata utajiri, ndio wanaangukia huko

Nina hoja moja ya nyongeza kuhusu kipato. Tunafahamu kuwa kipato cha watanzania ni duni. Sawa sipingi. Lakini kipato cha wazambia ni duni pia. Aidha kipato cha Wazimbabwe miaka miwili mitatu iliyopita mpaka leo kilikuwa ni zaidi ya duni. Lakini Zimbabwe hawaui walemavu wala hatukusikia mauaji ya kujipatia kipato. Asilani ! Kipato ni duni lakini tutafute uhusiano kati ya mauaji na kipato tuone kama ni ya moja kwa moja hivyo.

Kwa maoni yangu, kwa yote yanayotokea, tunajifunza kuwa mfumo wa kiulinzi na usalama wa raia nchini kwetu ni mbovu. Tumesikia walemavu wakiuawa, wenye vipara wakikatwa vichwa, weusi tii na weupe pee wakichunwa ngozi, viungo vikisafirishwa kona moja hadi nyingine na akina mama na kina dada wakibakwa hovyo hovyo. Tumesikia pia wimbi la watoto kubakwa na kulawitiwa, yote yakihusishwa na ushirikina. Ipo haja ya kujenga mfumo imara wa ulinzi na usalama wa raia nje ya dhana ya polisi mwenye bunduki na Gema Security mwenye kirungu. Uchunguzi umeonyesha kuwa hao kwanza ndio chanzo cha mauaji mara nyingi tu. Tumesikia Sinza, tumesikia Arusha, tumesikia mauaji ya Meneja wa Cocacola kule mbezi Beach....na mengine mengi sana. Taifa la wachache waliojifungia kwenye ngome zisiziongilika na walio wengi wakilala kwa hofu kuu mitaani si taifa endelevu na hapo ndio kinachoitwa serikali na Bunge kingetakiwa kuwajibika ili kurekebisha mfumo wa usalama wa raia. Mimi sijaelewa hata wizara ya usalama wa raia haswa ina mikakati gani katika hili. Sisemi hawana mikakati lakini nasema wamejichimbia nayo na hawamwambii mtu. Hizo ni mbinu za kiusalama za miaka ya 1860, sio leo !

Haya ndugu zangu. Mimi nipo ! DMK

On Behalf of Kibamba

Umesema kuna namna wanasiasa wanaliendeleza suala hili namna ambayo inapelekea jitihada dhidi yake kupoteza mwelekeo, tafadhali tungependa utusaidie kufafanua hapo ni jinsi gani usiasa unaingia katika jambo hili Mr. Nyanje.

Lakini wka upande mwingine, mauaji ya albino ni tatizo la kijamii. Ingawa jamii inahusisha mambo mengi, lakini jinsi suala hili linavyoendelezwa na wanasiasa, linaonekana kupoteza mwelekeo wake na hivyo kufanya hata jitihada zinazochukuliwa kukabiliana nalo, kupoteza mwelekeo vilevile.

Kama watu wa BBC walifanikiwa kumpenyeza mwandishi wao hadi kwa waganga wanaotuma watu kuleta viungo, kwa nini watu wa usalama wa taifa wameshindwa kuifanya kazi kama hiyo kiasi cha kuifanya srikali ifikirie kuwa kura ya maoni inaweza kuleta ufumbuzi?

Wapendwa wachangiaji wa TAKNET, napenda kuwashukuru kwa michango yenu katika mada mbalimbali zinazotolewa hapa TAKNET hasa katika awamu ya kwanza iliyokwisha. Ningependa kuwakaribisha tena katika awamu nyingine ili tuweze kujadili mambo mbalimbali yanayoikabili jamii yetu ya Tanzania. Kwa kuanzia mojawapo ya mada zilizoletwa katika awamu hii ya pili ni hii inayohusu tatizo lililoibuka katika nchi yetu: tatizo la mauaji ya watu wenye ulemavu wa ngozi (Albino). Hili kama tulivyokwishasikia katika vyombo mbalimbali vya habari limekuwa likiongezeka siku hadi siku. Karibuni tuweze kujadili sababu zilizopelekea kuwepo kwa tatizo hili pamoja na jitihada zifaazo ili kutatua tatizo hili. Karibuni sana.i